الجزء

الجزء الثاني من رواية افعال ابليس

الجزء الثاني من رواية افعال ابليس

وفي الجزء الثاني من رواية افعال ابليس للكاتبة زهرة الشيخ ماذا يا تري سنري من جميل الأحداث مع ابطالنا ؟ دعونا نعرف إجابة هذا التساؤل في السطور التالية بإذن الله .

الجزء الثاني من رواية افعال ابليس

بعد 25سنه
ايمن تزوج بنت عمه لميا وعنده 3اولاد وبنتين سامر وحمزه وعلي ميسم ونرجس
وابتهال تزوجت وتوفى راجلها ف سنه2012 عندها بنتين وولد مرام وهدى وعادل
توفي محمد والد حياه وعائشه رجعت عاشت مع هلها
_____________________________
ع التلفون
المجهول : الو
إسحاق :ايوا
المجهول: انت إسحاق احمد جمال ولا
إسحاق :بأستغراب من معاي
المجهول : ولد بلادك
إسحاق:من؟
المجهول: نختصرلك الدوه كلها برا اسأل بوك علاش مايبكم ترجعو ليبيا يا فرخ
إسحاق:🔥ينع……. من انت
طوووووط
نور : صبااحو
كلهم صباح الخير
نور: بابا حبيبي عادي نطلب طلب ماتردني
اياد: 🙄
احمد: شن
نور : نبي نطلع نصهر مع صاحباتي
إسحاق:🤨خيرها هيا ماتفهمي انتي ولا كيف
احمد: من صاحباتك
نور:معاي ف الثانويه😶
حياه: مش امس قالك خوك ماتمشي
احمد: وخلوها تمشي ليش لا
إسحاق : قرن حواجبه انا كلامي واضح ومش حنعاوده مرتين
نور: بس
اوس:تكنطى نوور انتي مسلمه ره مش كيفهن وتعرفي سهرياتهن كيف بيش تفهمي الزح ولا لين تحصلي خبطه ع دماغك
فؤاد: 🤣😂🙃
نور: به لامتى لامتى ديما ف الحوش ومانطلع ع راحتي ديما طالعات مزردات انا لا
إسحاق:🔥تعرفي فورتيلي دمي الزفت وناض طلع
إياد:دما فاير وماشميتش شي🤔
فؤاد: 😂🤣😂🤣 شيت
احمد: صووت
إياد/ فؤاد:😑
أوس:🙄
نور: ناضت تسب وتعيط لغرفتها
إياد:تعيشي وتاكلي غيرها ياياي🙂😂🤣😂🤣
احمد: اففف
حياه: لمت السفره والحوسه وخشت للمطبخ نور بلا جو تعالي انزلي وساعديني
نور: به😶
احمد : أوس امشي شوفلي خوك برا قوله نبيك ف مكتبي
أوس : تمام
طلع اوس لقا اسحاق ف الجنان يدخن
اوس: إسحاق
إسحاق: لوح الدخان اول ما ندا عليه مش متعود يدخن قدام خوته همم
اوس: بوك يبيك
إسحاق : تمام
اوس: ماشي الشريكه
إسحاق : ايه
اوس: تمام هي نستنا فيك كمل منه وتعال تأخرنا
إسحاق: اوك
مشى إسحاق لعند بوه خبط ع الباب
احمد: خش إسحاق
خش اسحاق السلام اعليكم
احمد: وعليكم السلام اقعد
إسحاق : قعد شن في؟
احمد: شوف امس كلمتني عمتك قاتلي بوي تعبان هلبا الحق
إسحاق : به والمعنى !
احمد: نردو ليبيا
إسحاق: مش قتلي مستحيل ولا ممكن ترد ولاعندك مشاكل غادي
احمد: اي
إسحاق: باتي شن ه المشاكل لي عندك لي ماتقدرش ترد لبلادك بسببها
احمد: المشكله انا وامك كنا نحبو بعض والعيلتين مش راضين ومايبوناش لبعض
إسحاق: ااه وعلاش؟
احمد: ماتسأل هلبا يكفي لي عرفته الحاصل نبي نرد بس خايف انه مايتقبلوها حياه
إسحاق: تفكيره مشى بعيييد اوك يصير خير
احمد: ان شالله
إسحاق : تو ماشي لشركه ونفكرلك ف حل
احمد: تمام
طلع إسحاق وفي راسه هلبا اسأله
*_الكــاتـبـــــه زهــره الشــيـــــــخ_*
وهوا نازل من ع الدروج
إسحاق: إياد وين الملف الاحمر
إياد:شافله بأستغراب ورافع حاجبه نعم نعم انا 🤔
إسحاق : بلا جو انت عطيتك ملف امس قتلك خلي يوقع عليه بوي وجيبه ليا
إياد: مش نا لي عطيته ليا وماريتش ملف اصفر
فؤاد: احمر ياسطل🤦🏻‍♂️
إياد: الي هوا ماريته
إسحاق: علا صوته تي كيييف ماريته الملف وين بيكون يعني عندي اجتماع الزفت
اوس: خش مخلوع شن في بس
إسحاق: إياد ضيع الملف
إياد: تي ماريته نالملف الزح 🤬
اوس: لي عطيته ليا امس🙂
إياد:🤦🏻‍♂️
إسحاق: انت اياد ولا اوس؟
فؤاد: لا هكي واجد
إياد:ماتشبهني بيه الكأيب هدا انا إياااد
أوس:🙄 إسحاق روق خيرك اليوم
إسحاق:🤦🏻‍♂️شي
أوس: تعال معاي
وطلعو خطم أوس ع محل قهوى خدا منه قهوتين وطلع
أوس: هاك اشرب
إسحاق:😑وجهه مايتفسرش شكرا
أوس:ولو
أوس: تو تقدر تحكيلي شن فيك
إسحاق: لا فوته ماخيرني شي
أوس:🤦🏻‍♂️
*_الكــاتـبـــــه زهــره الشــيـــــــخ_*
جواهر: شني توا احسن
جمال : كحح كح اي الحمدلله
أيمن :بقلق اففف والله مش عارف كيف درت الشي هدا
ابتهال: انت مش بعقلك اكيد
أيمن : شن تبيني ندير هي نقول مانشترك كله من سامر هوا
سامر: انا مش بقصدي بس
أيمن : صكر فمك وقلب عن وجهي لانه لو قعدت هك مقابلني رح نرتكب جريمه اكيد
سامر :تكنطى وطلع
ابتهال: تو شن الحل
أيمن : مش عارف🤦🏻‍♂️
ابتهال:المهم فكر ف البلوى لي مدايرها ولدك وطلعت متعصبه
لميا: شوف واسمعني كويس
ايمن : ها
لميا :بخبث اسمعني مداما خلاص معاش عندنا وين نسكنو نسكنو في بيت اختك ولا نبيعوه ناخدو بيه بيت
أيمن: كيف؟
لميا: تنهدت افهمني اختك عندها بيت لي مخليه ليها خوك احمد كبيير
أيمن : مستحيل
لميا: علاش !
ايمن: ابتهال ارمله وعندها صغار يحتاجوه
لميا:اي عارفه بس كان بعتوه نقدرو نشرو منهم حتى البيت هدا
أيمن: اففف به تو نشوف حل قريب انتي بس الهي ف ولادك
لميا:😑😒
جمال : مستحيل شن هدا لي سمعته البيت هدا من جد جدك عايشين فيه ولا مره خسرناه وخسرنا الشركه اليوم بسبب تفاهتك انت وبوك خسرنا كل شي
سامر: اسف ياجدي بس انا
جمال: اسسسس صكرر فمك واطلع برا انت وخوتك
سامر طلع هوا وحمزه وعلي
حمزه: انت وين كان عقلك بعد وافقت ع الصفقه
سامر : بعصبيه مش عارف مش عارف افففف
علي: مداير سماعات واغاني بأعلى صوت ولا على باله
ايمن:ياساتر
ابتهال:😒
جواهر: كيف خطر عليكم توافقو عليها الصفقه وانتم مش قدها
جمال: من يوم مشى احمد وانت تخسر تخسر تو جا ولدك كمل علينا لا حوش زي الناس وحتى الشركه راحت
أيمن : تكنطى احمد احمد احمد كان يهمه وضعك ماهرب مع حياه بنت الق… وخلاك
جواهر: تتحسب اوك تو شن الحل
الجمال: الحل ندور حوش اجار نعيشو فيه كحح كح
ابتهال باتي شن فيك
جواهر : جمال
ايمن : 😱
ابتهال وقفت تجري جابت دواه من الدرج شرباته ليه
جواهر: يالله فرج علينا يارب
كل ه السنين يلي فاتو ايمن كان مستلم الشغل بعد احمد وبعد مرور الزمن استلم ولده البكر سامر الشركه و💔 افلسو
__________________________
فؤاد: ok
إياد: ياكل ف الشبس فمن تواعد
فؤاد: صاحبتي
إياد: مانحصلوش وحده وحتى نا مكسده لحكايه عندي
فؤاد: بأستغرب ! إياد ياخاين
إياد: اي كان قصدك ع لاارا الشقرا فتتها
فؤاد: اممم وعلاش كنت بتموت وتبي تخطبها
إياد: مش عارف ماتصلح بيا نبي بنت ليبيا ملاخير
فؤاد: باااه مد ايده بياكل شبس
إياد: ضربه حول ايدك عما نقصهالك
حياه: ايااااااد وين التوست لي ع الطاوله
فؤاد:😂🤣🤣🤣🤣
إياد: 🙂
*_الكــاتـبـــــه زهــره الشــيـــــــخ_*
هدى: تعرفي من لول مش عاجبني شغله واستلامه كل شي
مرام: هه ولا نا ديما شايف روحه هوا السلطه هوا لي يتحكم دراااه
هدى:😂😂😂نمشي نشوف امي شن دير ونعاونها وطلعت
مرام اول ماطلعت هدى جاها اتصال
مرام: الوو
جابر: ايواه حبي خيرك الن… ماتردي
مرام: ماخيرنيش تلفوني كان ع الصامت
جابر : اوك شن صار صاير منه نتلاقو
مرام: ان شالله حبي بس لمور متلخبطه ف البيت وبنحولو مش فاضيين الحق
ابتهال: مرااام مرااام
جابر : اممممم به ربي يعاون
مرام: ان شالله هي عمري بنصكر امي تبيني نحبك
جابر : اوك خودي راحتك ونا نموت فيك
صكرت مرام وناضت تجري للمطبخ
______________________________
إسحاق :زيد الرقم هوا نبيك تعرفلي كل المعلومات عليه
زيد: تم
إسحاق: تنهد ويلم ف لوراق
زيد: في شي مانعرفه
إسحاق: زي شني
زيد: يلي ف راسك ومخليك مش مركز وفي عالم تاني
إسحاق: نفكر في هلبا يازيد
زيد: احكي
إسحاق: بوي بعد ه السنين كلها قال بنردو لي ليبيا
زيد: اها به وشن المشكله ماتبيش تمشي
إسحاق :لا باالعكس فديت من الغربه بس نبي نعرف شن طلعه من بلاده اصلا
زيد: لنقني فديت حتى نا باهي اساله وهوا يجاوب
إسحاق:اففففف وخر الكرسي وحط ايده ع راسه والله مش عارف راسي بيتفجر
زيد: خدلك اسنكرس😂🤣
إسحاق:🤦🏻‍♂️
زيد: حقا شن قصة الرقم من ليبيا هدا
إسحاق : ياكل في سنكرس غير اعرفلي عنه كل شي نبي ملف كامل عليه
زيد: تم
زيد كان صديق إسحاق المقرب وبير اسراره هوا الوحيد لي يحكيله كل شي امه تونسيه وبوه ليبي وليهم 9سنين برا ف تركيه
بعد مرور الوقت
ع العشاء
حياه : وين إسحاق
أوس: توا ينزل
احمد: ياكل شني الامور ماشيه ف العمل
إياد: تجري
أوس:🤦🏻‍♂️اي الحمدلله
إسحاق : نازل سلام اعليكم وقعد ع الكرسي
كلهم وعليكم السلام
حياه: كيفك مع التعب
إسحاق الحمدلله وشاف لنور ماده شواربها ع اساس زعلانه🙂وانتي خيرك ماده شواربك ان شالله
فؤاد: من الحركات امتاع ياي وكيوت
أوس /أياد:🤣😂🤣😂🤣😂
إياد: تقول استيرسو🤣
اوس/ فؤاد:😂
احمد: كولو وخلو اختكم في حالها
نور:😝😄😶ترفع ف حواجبها
إسحاق:🙄خيرها هيا تقول متوحده بوي بنتك مش طبيعيه ره
أوس / اياد/فؤاد/حياه: شادينها ضحك
احمد: 🤦🏻‍♂️ خلوها في حالها حقا بنقوللكم
كلهم: شن في
احمد: بنردو لي ليبيا ه الايام
حياه: ك كيف
نور: هييييي ع الاقل نطلع ع راحتي غادي
أياد: احلمي😒
فؤاد:😂
إسحاق: شبح في بوه شن طلعكم منها من لول عيشتونا ف الغربه
.
.
.
*_الكــاتـبـــــه زهــره الشــيـــــــخ_*
احمد: كان حاسس ع إسحاق انه في شي في راسه فاهمه غلط ماردش اعليه
حياه: احمد علاش نردو شن في بس
احمد: بوي مريض وكان تبي الحق مليت منها تركيا بنرد لبلادي
حياه: وقفت لالا مستحيل انا مش راده
إسحاق: زااااد الشك فيه
أوس: علاش به
احمد: حياه انتي ام رجااله ره من شنو بتخافي
حياه:افففف
إياد:ياكل الوضع معاش يطمن فهموني من شن خايفه امي
احمد: وقف مافي شي إسحاق تعالي للمكتب انت وخوتك
ناض اسحاق ومعاه اوس وإياد وفؤاد
خشو للمكتب
احمد: قاعد ع الكرسي يلف بيه اقعدو
إياد: يستر الله
فؤاد: لانقنا الوضع مايطمن
اسحاق: يستنى ف بوه ينطق
احمد: لا خير بس كل واحد نبيه في مهمه
كلهم: تمام
احمد: شاف ل إسحاق انت اعرفلي كم فرد ف عيلتي اكيد زادو وشوفلي الشركات عند من وبأسم من
إسحاق: تم بس ليش؟
احمد: كلمتني اختي وقتلي افلسو والبيت والاراضي والشريكات كلهم خسروهم
إسحاق:اوك وانت شن ناوي دير
احمد: بنشريهم الشريكات وبنكتبهم بأسمائكم انتم
إسحاق:تم
احمد: شاف لي اوس انت نبيك تبحثلي عن محمد…… تعرفلي عنه كل شي ووين ساكن
اوس: ومن محمد
احمد: جدكم والد حياه
أوس: تمام
احمد: شاف لي إياد ياكل ف سميسه وانت شوفلي فيلا جديده وكبيره في وسط طرابلس
إياد: ياكل شن تبها
احمد: فيلا هي شن بندير فها يعني بنسكنو فها
إياد: به وعلاش تبها كبيره
احمد: بنعيشو في فيلا وحده احنا وحوش جدكم
إياد: به
احمد: وانت يا فؤاد نبيك تحولي كم سياره من هنا ليبيا وطلع تداكر طيران لينا
فؤاد: امته
احمد : ف ه اليومين
فؤاد: تم
احمد: هي تسقدو
طلعو كلهم وكل واحد فيهم خش لغرفته ورقد
‏*_الكــاتـبـــــه زهــره الشــيـــــــخ_*
أيمن: شوف بوي كان بعنا البيت لي مخليه احمد نقدرو نشرو بيه البيت هدا
جمال: لا ومستحيل هداالبيت بأسم اختك
ابتهال : 😒ف داخلها طمااع
ايمن:🤦🏻‍♂️بس
جمال: لا بس ولا غيره لقيتلنا بيت للأجار
ايمن: كلمت صاحبي تو يرد عليا😒 وطلع
سامر: شن باتي قنعته
ايمن : لا مصكر راسه
سامر: اففف
ايمن: فوته فوته انت شن صار ماضايقته جديد ولد عمك
سامر: اين
ايمن: إسحاق
سامر: اه لا ليا يومين مش مكلمه
ايمن: كلمه وقوله……………………….
سامر: ابتسم بخبث هه تم
*_الكــاتـبـــــه زهــره الشــيـــــــخ_*
إياد: ياكل في بشار
اوس: خش للغرفه ونصدم بها
كانت مقلووبه من جهه سميسه ف كل مكان ومن جهه تانيه باكو بيتزا ومشروب وفشار
أوس: ايااااااااد
إياد: بسم الله خيرك تخلع فيا
أوس: متكنطي شن هوا شن ه القرف نوووض نوض وارفع عني الوسخ هوا ولم امها الغرفها هيا وسريري معاش تقربه
إياد: ترا عاود مانسمعش فيك انا اكبر منك يا استاد احترم نفسك ولمها بروحك
أوس: تي شن اكبر مني بدقيقتين يعني تي اصلا مستعجل ع الماكله هدا علاش جيت قبلي لم سلم ولدي بسرعه نمشي نجيب كاسه عصير ونجي نلقاها تلمع الغرفه
إياد: به حاضر🙂
طلع اوس من الغرفه اياد رفع باكوات البيتزه وعصيره وهرب
طق طق طق
فؤاد: ها نور
خش إياد وف ايده باكوات والمشروب
فؤاد: خير شن في بتحتفل
إياد: لزوني زي كل مره
فؤاد:🤦🏻‍♂️😂😂خش خش لاكن بشرط
إياد: عارفك جبتلك باكو معاي
فؤاد:تم معناه
قعمز اياد ع السرير وياكل ويتفرج وفؤاد ولا على باله يكلم في صاحبته وياكل معاه
اوس شرب كاسة العصير وويسب ويلعن مشى لغرفته فتحها
اوس: اياااااااااااااااد اففففففف النم
😂مسكين بدا ينضف ف الغرفه وطلع دبش إياد دارهم في شنطه وحط الشنطه فم باب فؤاد ورد لغرفتة صكرها باالمفتاح ورقد
*_الكــاتـبـــــه زهــره الشــيـــــــخ_*
ف الصبح
لميا دير ف لفطور هيا وابتهال
الميا امتى قال عمي نحولو
ابتهال : مانعرفش اكيد بكرا
لميا : اممم
ميسم : صباحو
لميا / ابتهال : صباح النور
لميا وين ماتأخرتي ع الجامعه
ميسم لا مازال ع ساعه9نستنا في عادل
ابتهال: امالا وين هدى مش ماشيه
ميسم: قلبت اعيونها وتاكل ماشيه تو تنزل اطمني
عادل/ هدى: صباح الخير
كلهم : صباح النور
ميسم:😍🔥
عادل: يفطر ويشوفلها بنضرات استغراب ؟
هدى: تشوف فيهم ومنتبها ع كل شي
عادل: شني كملتن
هدى/ ميسم : اي
عادل: وقف هيا انا طالع ماتتأخري انتي وياها وطلع
طلعت هدى مع ميسم ركبو ف السياره وطول الطريق ميسم تشوف لعادل من المرايا وهوا نفس الشي
عند فؤاد ناض الصبح دوش وبدل بيطلع من غرفته خبط ف صاكو إياد
فؤاد:🤦🏻‍♂️🤦🏻‍♂️🤦🏻‍♂️إياااد شورك الشنطه هدي
إياد : لا
فؤاد: نوض نوض شوفها متاكد امتاعك عليها سميسا
إياد ناض من مكانه وتاوق من الباب
إياد: امك🙄 دبشي اي طردني اوس ولا شني
فؤاد : يضحك بدون نيه برا شوف برامجك ماتطمعش في غرفتي
طلع إياد ع اساس متكطني لعند اوس يخبط مافتحه ولا عبر عليه رد لغرفة فؤاد يدوش ويسب
فؤاد نازل من ع الدروج وهوا مييت من الضحك
احمد:🙄ضحكنا معاك
فؤاد: يضحك ع حركات إياد التافهه صباحو
كلهم : صباح النور
نور : تاكل وتتكلم فمها مليان خيرك من ع الصبح
فؤاد: شي شي😂💔
إياد نازل متعصب ع اساس😂 انت ياخرا خيرك لازني من غرفتي غرفت بو جدك هيا
أوس: لا غرفة بوي
إسحاق : صبح ره
إياد: قعمز وبدا يفطر وبعدين من سمحلك تلمس دبشي وطلعه من الدولاب
أوس:😶
احمد: اوس خيرك مع خوك لازه
أوس: ديروله غرفه تانيه مش معاي ديما قالبها بلقطاف امتاعه والماكله
إياد: كداب يبي ياخد راحته ويكلم صاحبته ف نص اليل زي فؤاد
فؤاد: كحح كح كح يشرب ف لميه
اوس:🤦🏻‍♂️😒
إسحاق :🙄😒
حياه: تضحك واللهي إياد بسلامتك كول بلله
نور😂🤣كول خلي نلعبو بلستيشن
احمد: لا عندهم عمل اليوم كلهم
نور:🙂💔🔥به خلولي اياد بس
إياد: نجها ليا حرام خلوني معاها
إسحاق وقف ع السفره الحمدلله وانته بدات تعالا ورايا توا إياد
إياد: ناكل
إسحاق: نوووض وطلع
إياد : افففف مشى وراه
أوس : والله امس اشتقتله كسدت من دونه😁🙂
فؤاد: 😂🤣😂🤣
أيمن يلم ف دبشه هوا ولميا
لميا : شبحت فيه وربعت ايديها توا معقولا ماشين لحوش اجار
أيمن: شبحلها وكمل شغله ماعدل عليها
لميا: انت هيي نكلم فيك
أيمن: ها نعم شن تبي ماعندي ماندير الله غالب
لميا: وحوش اختك
أيمن: تعرفي ! بري جيبيلي قهوى
لميا: بس….
أيمن:بعصبيه قلت برااا
لميا طلعت من الغرفه وهي تسب
أيمن قعد ع السرير وحط يديه فوق راسه
حمزه: تي اي غير اسمع مني
سامر: نسمع فيك
حمزه: احنا نخدمو معاهم شهر شهرين ونوقفو
سامر: انت ماتعرفهم الناس لي زي هدي يمكن
حمزه: اففف يمكن يمكن يمكن انت عاجبك الوضع لي احنا فيه
سامر :لا
حمزه: معناها خلاص خلينا نجربو ونخدمو معاهم مش خاسرين شي
سامر: اففففف هز براسه بمعنه تمام
علي: انا نشوف ف نهايتكم قريبه😃🖤
حمزه: 🙂خليك ف قرايتك
مرام ف المطبخ طيب
نرجس: شن ديري
مرام: قلبت عيونها🙄 شن ندير يعني ف المطبخ نرقص مثلا
نرجس:😒كنت بنجي نعاونك بس ماينفع فيك الخير
مرام: الله ياي صدقتك غير بري بري
إسحاق ف المكتب يوقع ويطلع ع اوراق خش عليه زيد
إسحاق: شن صار
زيد: عيلة جدك جمال تتكون من عمك أيمن ومرته وعندهم 3اولاد و 2 بنات وعمتك عندها بنتين وولد وجدتك جواهر وجدك وبكر ولا بعد بكرا بيحولو
إسحاق :اها الله يبارك🙄
زيد: والمفاجاء الاكبر الرقم لي عطيته ليا رقم ولد عمك اسمه سامر هوا لي كان يدير ف الشركه
إسحاق : رفع حاجبه متعجب اوك منور ياغالي
زيد : بوجودك
*_الكــاتـبـــــه زهــره الشــيـــــــخ_*
بعد مرور يومين
إياد شرا فيلا كبيره بأسم بوه في طرابلس
وفؤاد حول كم سياره غادي
وعيلة جمال حولو لحوش اجار 💔وحالت جمال كل يوم للاسوء
وسامر وحمزه اشتغلو تهريب مع عصابه وماكان حد يندري عنهم غير علي خوهم وابوهم أيمن
احمد: إسحاق أوس انتم شن صار فيكم
إسحاق عطاه كل المعلومات ع العيله
أوس: تعبت ونا ندور ف معلومات علي جدي وفي الاخير طلع ميت ليه 8سنين وسبب الموت سكته قلبيه ومرته توا ف الجنوب عند هلها
أحمد : ان لله وان إليه لراجعون يستر الله شن بيصير ف امكم
إسحاق:🔥
أوس : لاحول الله
احمد: اوك
فؤاد : حولت السيارات امس وهما التداكر غدوا الصبح كونو جاهزين
أحمد: تنهد مش مصدق بعد كل ه السنين بنرد لبلادي
إياد: ونا مش مصدق امتى ناكل بازين😍
أوس /إسحاق /احمد:🤦🏻‍♂️
فؤاد: ميت بضحك
ميسم : ف المطبخ طيب ف الغدا اففف شن ه العيشه باهي دبرولنا مولد ع الاقل ياناس
جواهر : بصوت عالي جيبيلي كاسة اميه بلاش كلام فاضي احمدي ربك لقينا وين ننسترو كله من راس بوك وولاده
أيمن:🤦🏻‍♂️
مرام كلمت حبيبها جابر وتفقو يتلاقو غدوا
بعد مرور الوقت بعد المغرب
حياه مضايقه و تلم ف دبشها
احمد: شن ديري ياعيوني
حياه: ماردتش اعليه
احمد: افففف وقعد ع سرير ومسكها من ايدها اسمعيني انا عارفك مش راضيه ع المشيه وماتبينا نردو ليبيا بس لامتى
حياه: قعدت جنبه احمد حتى نا شتقت لبلادي بس انا ماعندي القدره ع اني نوجهه عيلتك ولا نواجهه بوي
احمد: ادكر انه محمد ولد حياه توفى وليه 8 سنين حياه بنقولك حاجه
حياه: شن !
احمد:بتردد بوك ليه 8سنين متوفي
حياه:حسيت بدقات قلبي زادت بقوه
مع انه من يوم ماتت امي وتزوج معيشني في عذاب بس مش حننكر انه بوي وكنت بنته الوحيده والدلوعه احمد تبصر
احمد: لا مانبصر
حياه: سحبت ايديها وبصوت عالي وعياط مستحيل مستحيل لالا بللهي اعليك قولي تكدب عليا
احمد: اسسس خلاص حياه انا مانكدبش اعليك
حياه: بشهقات بببعد عني كنت تعرف وماخبرتني ها انت واحد اناني
احمد : حياااه
تحت
فؤاد: شن ه الصوت
إسحاق يبحث ع الابتوب
أوس : صوت امي
إياد :شن في بس
إسحاق: 🔥
نور: امي نا مدخلنيش بنمشيلها ومشت تجري لعند حياه
حياه: حسيت باالدنيا دور بيا و بووم داخت
احمد: حياااه حيااه اصحي خيرك
نور :تشوفلها امي لاااا
*_الكــاتـبـــــه زهــره الشــيـــــــخ_*
يتبع ……….

لقراءة الجزء التالي : الجزء الثالث من رواية افعال ابليس

لقراءة الجزء السابق : الجزء الأول من رواية افعال ابليس

للإطلاع علي فهرس أجزاء الرواية : جميع روابط اجزاء رواية افعال ابليس للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى