الجزء

الجزء التاسع من رواية بحر العشق والظلمات

الجزء التاسع من رواية بحر العشق والظلمات

وفي الجزء التاسع من رواية بحر العشق والظلمات يا تري من رأيك ماذا سنري من جميل المواقف والأحداث مع ابطالنا وهل سنري أحداث حزينة ستمر عليهم ؟ دعونا نعرف ذلك كله في السطور التالية بإذن الله مع الكاتبة زهرة الشيخ .

الجزء التاسع من رواية بحر العشق والظلمات

فهد روح من العمل مع صحابه بيتغدو معاه من امس نبه رحاب
اول ماوصلو دخلهم للمربوعه وهوا خش يدور ع رحاب
رحاب: راقده
فهد: فتح الباب ونصدم تي شن ديري هنا انتي وين الغدا
رحاب: نضت متأخر وولدك ماخلاني ندير شي ماقدرتش نلحق
فهد: ماقدرتي شني
رحاب:🙄
فهد: اسمعي ملاخير انا وحده زيك ماتلزمنيش
رحاب: شني؟
فهد:انتي ماتلزمنيش وتي روحك يروحو صحابي نرفعك لبيت هلك
رحاب: اعيونها تعبو دموع ف فهد انته شن تقول !
فهد: الي سمعتيه 10 دقايق توتي روحك ..وطلع
رحاب:💔🥺
فهد طلع من الحوش وجاب اكل من برا وتغدا هوا وصحابه اول ماطلعو صحابه وروحو خش للغرفه
رحاب: ف فهد خليني نفهمك
فهد: مانبيش ايا نقاش بسرعه قدامي انتي وولدك
رحاب: تبكي لبست عبايتها ورفعت ولدها وطلعت
.
.
.
إيناس: اول ماشافت صورة البنت المرسومه انصدمت …
مني هدي؟ ….وعلاش حازم خبى الصوره عني ؟ من تكونن؟
رجعت الرسمه تحت الطاوله ولبست وشاحها وطلعت وهي ف راسها هلبا اسئله ومش فاهمه شي
.
.
________زهره الشيخ_________♡♡
عيسى يحكي مع حازم …اتصل بي خوك نادر شوف وينه
منير: تو كيف طلع وشكله مايطمن قريب قلبها السياره
حازم: يحاول على رقم نادر
بعد كم محاوله رد عليه
نادر:بصوت مش طبيعي … اايوا
حازم: وينك
نادر: مانعرفش وين
حازم: حس بصوته مش طبيعي تحرك بكرسيه لبرا المربوعه ..شن قصتك خيرره صوتك هكي
نادر: ها
حازم: شارب صح
نادر: شوييه بسس
حازم:🙄مصح وجهك ومعاها شويه بسس تي وينك الزفت خلي نبعتلك منير قبل لا تموت وانت بروحك
نادر: لالا ماخيرني شي شوي ونجي وصكر الخط
حازم:عاود اتصل مره وتنين ماردش عليه
نادر ف الاستراحه وشبه فاقد الوعي
.
.
دعاء سلم ايدياتك يهبلل
جود:😋
إيناس :سرحانه وتفكر
دعاء:في شن تفكري بنتي
إيناس : اه لالا شي وين ريان وسلوى
دعاء: ريان قبل شوي كيف سمعتها رجعت المدرسه
جود: يحليلي اكيد تعبانه
إيناس:وايه .. اا توا وقت دوا حازم نستأذنكم
دعاء: بأبتسامه أذنك معاك حبيبتي
مشت إيناس لغرفتها لقت حازم يتفرج
حازم: يسعد مسائك فراولتي
إيناس: فراولتي؟؟
حازم:ايه
إيناس: ابتسمت وقت دواك هيا مدتله الدوا وكاسة لميه
حازم:تسلميلي
إيناس: 😊 بتردد ح حازم
حازم: نعم
إيناس: اا
قاطعهم صوت تلفون حازم
حازم: لحظه بس رد ع الاتصال
فهد: اهلين حازم كيفك
حازم: بخير الحمدلله
فهد: بنسألك ع ايناس جنبك
حازم: ايه
فهد: تمام ممكن تعطيهالي
حازم: تمام إيناس خوك فهد ع الخط
إيناس خدت من فهد التلفون بأستغراب ..ايوا
فهد: انا برا نبي نشوفك
إيناس: بخوف ح حاضر
فهد: صكر الخط
حازم: شن يبي منك خوك
إيناس قالي واقف برا
حازم: كيف برا دخليه
إيناس: تلبس ف وساحها تو نشوفه شن يبي
حازم: تمام
نزلت إيناس بسرعه وقلبها يدق خايفه بالك شن صار معاه ولا مع رحاب اول ما طلعت شافت خوها واقف جنب سيارته
إيناس: اهلين فهد شن في ان شالله خير
فهد: لا خير غير اشتقت لي اختي وجيت بنطمن عليها💔
إيناس: بأستغراب اها انا بخير انت كيفك وكيف حال رحاب والبيبي
فهد: مورهم تمام شني ضايقوك في حاجه وحازم كيفه معاك مرتاحه معاهم
إيناس: فرحانه بأسئلة خوها واهتمامه المفاجئ …. الحمدلله مرتاحه
فهد: سامحيني إيناس عارف اني كنت اخ سيئ معاك ومقصر هلبا وعذبتك بس كان معمي على عيوني
إيناس : بفرحه… لالا عيب انت اخويا الكبير عادي نتحمل اي شي منك
فهد: قرب منها وباسها على راسها ربي مايحرمني منك وحيدتي ماعندي غيرك ف ه الدنيا
إيناس: دمع ولا يحرمني منك 🥺❤
حازم: يشوفلهم من فوق ويبتسم 🥰
فهد: يمسح ف دموعها مش ناقصك شي
إيناس: كنت لاكن توا لا وتبتسم وفرحانه
فهد: به هيا تو خشي وسلميلي ع حازم
إيناس: حاضر وانت سلملي ع رحاب و رعد حبيبي
فهد: تم وركب ف سيارته ومشى وحاس بأحساس مش عادي فرحه مش طبيعيه هم ونشال على قلبه
إيناس التفتت وشافت حازم فوق يشوفلها
حازم: ابتسملها
إيناس: ابتسمتله وطول ولا وجها احمر
حازم:😋فراولتي .
.
.
.
.
________زهره الشيخ_________♡♡
بعد العشا
صحى نادر وراسه بيطربق ناض بسييف خش للحمام (اكرمكم الله) ادوش وطلع خش للمطبخ دار كاسة قهوى وسرح
شوي قاطع افكره صوت التلفون وهوا يرن
رد
حازم: وينك يا….
نادر: برا تو بنجي
حازم: صحصحت يا مسخ
نادر: بأستغراب من قالك كنت مش بوعيي
حازم: انته يا … ربع ساعه وتكون ف البيت فاهم
نادر: حاضر وصكر الخط كمل قهوته وطلع ركب ف سيارته ونطلق
بعد كم دقيقه وصل للفيلا
وكان عيسى بوه يستنا فيه
نادر: مساء الخير
عيسى : وين كنت
نادر: بلع ريقه ..ان شالله حازم ماحكاله اه ك كنت مشغول
عيسى: بس اتصلت ب شركه قالو مش موجود
نادر: اها اي كنت عند صاحبي
عيسى: امممم به
دعاء: وين ريان اليوم كله ماريتها
نادر: اذكر ريان لي مصكره عليها الغرفه من الصبح .. بعد روحت من المدرسه قالت راسها يوجع فها
دعاء: اها
نادر: بكرا الصبح تجيك ومشى بسرعه لدور لحوشه ف الدور الثالت اول ماوصل فتح باب الغرفه
نادر:😳😳😳💔 ر ر ريان
.
.
.
________زهره الشيخ_________♡♡
إيناس تساعد ف حازم عشان يرقد ع السرير
حازم: صحيتي .
إيناس: تسرح ف شعرها
تلفون حازم ترن
حازم: مديلي التلفون
إيناس: شافت الرقم وكان مسجله (♡)
حازم: خدا منه التلفون شاف الرقم .ااففف وحط التلفون .
وعاود الرقم يتصل مره وتنين .
إيناس: رد عليه
حازم: اا كيف
إيناس: رد ع الرقم .
حازم: رد
منى: الو
حازم: تفضلي
منى: كيف حالك
حازم: احكي شن تبي تفضلي
منى” خيرك حازم
حازم :صكر الخط
إيناس طلعت الرسمه …هدي مني
حازم: عرق و وين لقيتها
إيناس تحت الطاوله من البنت هدي لي راسمها
حازم: هدي كانت خطيبتي
إيناس:ضايقت اها به اشتقتلها لين قعدت ترسم فها
حازم:🤦🏻‍♂️ لا بس راسمها قبل وامس كملتها
إيناس : عيونها تعبو دموع ردت الصوره لمكانه وجت بترقد
حازم: خيرنا فراوله
إيناس: شي بس انعست
حازم: نطلب طلب
إيناس: شن؟
حازم: نبيك تحطي راسك ع كتفي وترقدي
إيناس قربت منه وحطت راسها ع كتفه وهي حاسه بأحساس مش طبيعي وراحه وامان وحب🙂🥺❤
حازم:🔥
.
.
.
________زهره الشيخ_________♡♡
ريان كانت دايخه ومرميه ع الارض وشكلها محصله خبطه قويه ع راسها
نادر: يحرك فها وينادي بأسمها
ريان: لا يوجد رد .
نادر: رفعها وحطها ع السرير ومشى بسرعه جاب كاسة اميه وقعد يرش ف لميه عليها لين بدت تصحى بشوي شوي
ريان :شبه صاحيه ومتمسكه ب نادر
نادر: يشرب فها
ريان: تشوفله بعيونها الذبلانه
نادر: كيفك توا
ريان: ماردتش
نادر: مشى لتلاجه طلع شكاليط وبسكويت وعصير وحليب وجابهم لها …كولي تو نجيبلك شي من برا
ريان: مانبي شي
نادر:اول ماسمع صوتها قعد يدكر ف اللقطه لي صارت.. شافلها بحقره تصطفلي ومشى بدل ورقد ع السرير من غير ايا اهتمام ليها ولا خوف عليها
ريان: تبكي نادر اسمعني
نادر:مايردش
ريان: حطت ايدها ع كتفه ..نادر
نادر: غطى روحه وماعدلش
ريان : قعدت تبكي لصبح على نفس الحاله
.
.
.
.
________زهره الشيخ_________♡♡
الصبح
ناضت ريان ومالقتش نادر جنبها نضت للحمام ( اكرمكم الله) دوشت وطلعت تصلي وتدعي ودموعها ماجفو اول ماكملت خشت لامطبخ طيبت ونزلت لعند عمتها
سلوى: واخيرا شرفت طالب العلم
ريان:😒 ف داخلها ناقصتك اني
دعاء: وين بنتي نحسابك مشيتي لمدرستك
ريان: لا مامشيت
جود: تاكل ف تفاح ادليك وحششه
ريان: بأبتسامه انتي اكثر
.
.
.
.
.
________زهره الشيخ_________♡♡
نادر ف الشركه
يوسف: صباحو
نادر:صباح الورد
يوسف: وين الملفات امتاع امس
نادر:بصوت كله رجوليه اوسيفه انته مطرود
يوسف:😂🙄شن تقول انته
نادر: زي ماسمعت معاش ليك مكان ف شركتي
يوسف: باستغراب شن تقول انته بسس
نادر: مانحبش نعاود كلامي كم مره انا قادر اني ندير الشركه بنفسي وقع على ورقة الاستقاله ومدهاله ومدله ظرف
يوسف: هدا شي
نادر: الاولى ورقة استقاله التانيه فلوس يعيشوك 10 سنين لقدام..
يوسفر خدا الظرف والورقه وطلع من غير ايا مناقشه ولا سؤال
يوسف: تنهد 😑
________زهره الشيخ_________♡♡
حازم فاق بدري اول مافتح عيونه شاف إيناس راقده ع كتفه سرح شوي ف وجها البريئ وباسها ع راسها وحطلها مخدتها
إيناس: فاقت لقت راسها ع المخده وحازم مش ف جنبها استغربت وناضت دور عليه
حازم: يحرق ف الرسمه
إيناس: شن دييير
حازم: نحرق في ماضيه نبي نعيش حاضري معاك انتي
إيناس: حست بشعور جمييل للغايه .. رد بالك تحرق صبعك
حازم:ابتسملها
إيناس🤦🏻‍♀️
.
.
.
.
________زهره الشيخ_________♡♡
تحت عند عيسى ….باقي سبوعين ع موعد عمليتك جهز روحك انته ومرتك بتسافرو
حازم: اوك حاضرر
دعاء: تدعي لي حازم
حازم: ماتخافي انا متاكد اني حنمشي على رجليا عن قريب وشبح ف إيناس
دعاء: ان شالله ان شالله يارب
إيناس:😊😊😊
________زهره الشيخ_________♡♡
احمد: كيييف انته شن تقووول!
يوسف: زي ماسمعت طردني
احمد: كيف صار وليش
يوسف: مانعرفش
احمد: اففف باهي كيف بيصير كيف بنحصلو الملف توا
يوسف: انساه لانه غير جميع الموظيفين نادر ماينلعب معاه
احمد: يوخر ف شعره بعصبيه مستحيييبل وحبط رجله بطاوله .. ياا انا يا انته يانادرر🔥
يتبع ……..

لقراءة الجزء التالي : الجزء العاشر من رواية بحر العشق والظلمات

لقراءة الجزء السابق : الجزء الثامن من رواية بحر العشق والظلمات

للإطلاع علي فهرس اجزاء الرواية : جميع روابط رواية بحر العشق والظلمات للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى