الجزء

الجزء الحادي عشر من رواية بحر العشق والظلمات

الجزء الحادي عشر من رواية بحر العشق والظلمات

وفي الجزء الحادي عشر من رواية بحر العشق والظلمات يا تري من رأيك هل سنري أحداث حزينة مع ابطال الرواية ام ستسير الأمور علي ما يرام معهم ؟ دعونا نعرف إجابة هذا السؤال في السطور التالية بإذن الله مع الكاتبة زهرة الشيخ .

الجزء الحادي عشر من رواية بحر العشق والظلمات

نادر: ماسك ايد ريان وربي الا طلعتها من حياتي من يوم انتي دخلتي ف حياتي وحبييتك اي حبيتك ريان لو ماكنتش نحبك لو ماغرت عليك لو ماكنتش نحبك لو طلقتك ع خاطرها يا ريان
ريان:تبكي وفجاء حست باالارض دور بها و اغمى عليها
نادر: اول ماشافها اغمى عليها جن جنونه قعد ينادي بأسمها ر ريان اصحي اصحي
ريان: لارد
نادر: رفعها وطلع بها من الباب الخلفي وركبها ف السياره
ميس: ف داخلها زعما تكون حامل لالالاا ان شالله لا وطلتت تجري لغرفة جود
جود:بشك… وين هدا كله وين كنتي
ميس:😒
نادر: يسوق بسرعه كبيره وكل شوي يشوف لي ريان وينادها بأسمها
وصلو للمشفى
نادر: نزل ريا من السياره وينادي ع الدكتور بصوت عالي .
تجمعو الدكاتر عليها ف غرفة الكشف
بعد كم دقيقه طلع الدكتور عشان يطمن نادر
نادر: بخوف د دكتور بللهي طمني
الدكتور: اطمن بخير وامورها تمام جاها انهيار عصبي ف ماتحملت وفقدت الوعي .
نادر:💔اطمن اشوي ب به ممكن نشوفها.
الدكتور: تفضل
نادر خش على ريان وهي كانت قده الوعي تماما
قعد نادر جمبها ومسك ايدها وبدا يحكي. وربي الا فهمتيني غلط انا مهما يصير بينتنا مستحيل اني نخونك تسمعي فيا رياان😔💔
ريان بدت تفيق شوي شوي ودموع ينزلو من عيونها سحبت ايدها
نادر: بفرحه حمدلله على السلامه
ريان:لا رد
نادر: 🔥
________زهره الشيخ_________♡♡
حازم يتعشى ويشوف لي إيناس .
إيناس: انتبهت عليه ..😊خييرك
حازم: محلاك
إيناس: ولت حمررا ك العاده
حازم: وااك منك
إيناس: كول حازم
حازم: نا شبعت من الاكل بس مانسبعش من شوفتك .
إيناس: ناضت بتمشي
حازم: مسكلها من ايدها استنى وين ماشيه
إيناس: ن نبي ااا
حازم:قاطعها يضحك كدابه ماتبي شيي
إيناس:تضحك
حازمر اسمعيني
إيناس: شني
حازم: نحبك
إيناس : ابتسمتله ونا نحبك
حازم:بفرحه ماتنوصف خداها في حضنه …ماتسيبينيش
إيناس: مستحيل
حازم:🥺
إيناس: هيا ارقد غدوا عمليتك نبيك تنوض مصحصح
حازم: حاضر ياعيوني .
.
.
.
.
________زهره الشيخ_________♡♡
روحت سعاد من الفرح في وقت متاخر مشت لغرفة ريان مالقتها استغربت ! .. طلعت من غرفة ريان ومشت لعند منار
منار طول اليل وهيا تفكر ماجاها النوم
الباب طق طق طق
منار :ادكرت كلام اختها لما قاتلها ماتفتحي لحد…. بخوف م من
سعاد: افتحي خيرك مصكرته الباب ش ديري.
منار : اول ماسمعت صوت امها فتحت الباب على طول
سعاد: وين منار وخيرك مصكره الباب عليك
منار: حكتلها كل شي صار بتفصيل
سعاد: استغرابت ..وتفكر شن صاير معاها وشبحت للوقت متاخر ماتبيش انها تزعج نادر وتخوفه في ه الوقت ..
سعاد: تمام ارقدي انتي توا الضبح نطمنك عليها
منار خشت لغرفتها وصكرت الباب ورقدت
سعاد مشت لغرفتها وعقلها مش معاها ابدا
خشت للغرفه ولقت عامر صاحي ويتفرج ع TV …بأستغرب شن مصهرك
عامر: بأرتباك مش عارفه هك ماجاني النوم .
سعاد: قعدت ع السرير وحكتله ع لي صار مع ريان
عامر: بدا يعرق لارد بالك تكلميها اكيد تعاركت مع راجلها بس ماتدخلي بين راجل ومرته
سعاد: به … وفي داخلها بنتصل بيها وبندخل بنتي وضروري نعرف شن صاير معاها
.
.
.
________زهره الشيخ_________♡♡
نادر بنضرات كلها ترجي..ريان
ريان: شبحتله وهي منهاره وتبكي تبي تحكيله ع لي صار معاها علي كان على وشك انه يغتصبها و انها مصدقه كل كلمه هو قالها لانه واضح عليه من اعيونه وتصرفاته انه يحبها ومستحيل انه يخونها 💔
نادر: انطقي احكي ليش تشبحيلي ..قرب منها ويمسحلها ف دموعها
ريان: من الصدمات لي تلقتهم معاش قادره تحكي ولا تنطق ايا كلمه
نادر: ينادي ع الدكتور
الدكتور: شن في
نادر:بخوف ليش مش قادره تحكي ليش مانطقت ولا كلمه
الدكتور : كشف عليها وهكي .. تو نعطيها ادويه داوم عليهم يومين وحيرد الصوت زي ماكان واحسن وطلع
نادر: به .. ويشوفلها
ريان: تبكي رفعت ايد نادر وحطاته على قلبها
نادر:❤قلبيي…
.
.
.
________زهره الشيخ_________♡♡
الصبح
ايناس تساعد في حازم. عشان يبدل وحازم كلم صاحب التاكسي عشان يجيهم ويرفعهم للمشفى
بعد كم دقيقه وصل صاحب التاكي وطلعت إيناس مع حازم ساعداته وركبو ف السياره ومشو لامشفى
اول ما وصلو للمشفى اتصل ب امه ونادر وخبرهم ع موعد العمليه
حازم: ابتسم ل إيناس
إيناس: ان شالله ناجحه
حازم: ان شاالله وخش مع الدكتور لغرفة العمليات
إيناس: تشوف فيه وهوا خاش لغرفة العمليات عيونها تعبو دموع قعدت ع الكرسي تبكي وتدعي
..
.
.
.
________زهره الشيخ_________♡♡
حازم خش لغرفة العمليات وكل تفكيره وقلبه وعقله عند إيناس
إيناس هيا لي زرعت فيه الامل والاصرار عشان يقاوم ومايفشل ومايستسلم
.
.
________زهره الشيخ_________♡♡
نادر وصلاته ورقة الخروج امتاع ريان
ريان: تلبس ف عبايتها
نادر: نمشو
ريان : هزت براسها بمعنى اي
نادر: هي مسكها من ايدها وطلعو ركبو ف سياره
وصلو للفيلا وهم نازلين من السياره قابلتهم ميس وهي مروحه
نادر: مسك ريان من ايدها وخش بها
ميس تشوف لي ايد نادر وكيف متمسك ب ريان نزلو دموعها من غير ماتحس
ريان خشت توضت وطلعت تصلي
نادر: قاعد يراجع ف الملفات رن تلفون
نادر: ايوا
سعاد: اهلين ولدي
نادرر ا عمتي كيف حالك وكيف حال صحتك
سعاد: الحمدلله بنسألك
نادر: تفضلي
سعاد: انت لي روحت ب ريان بنتي امس
نادر: باستغراب وشك لا مش عمي لي روح بها
سعاد: لا عطيها ليا خلي نفهم منها
ريان:؟.
نادر: اا ريان نزلت تحت عند الوالده في شي ياعمتي ونا مأنعرفه. وشبح ف ريان
سعاد: حكتله شن قاتلها منال وبتفصيل
نادر: ؟؟؟ كيف هكي
ريان: ف داخلها غير خلي يرجعلي صوتي حنخبر امي بكل شي صار💔
نادر: صكر ع سعاد ولوح التلفون ع السرير وناض قعد جنب ريان ع السجاده
نادر: ماسك اعصابه بسيف وكل تفكيره مشى بعيد … تسمعي فيا ولا
ريان: هزت براسها بمعنى اي
نادر: شن صار معاك في بيت هلك ؟ ومن جابك لعند الفيلا .
ريان: نزلو دموعها على طول
نادر: احكيلي توا انطقي ولا ديري رااي نبي نعرف شن صار معاك امس
ريان:من كثر الخوف من عيون نادر لي واضح انه فاهمها غلط … تبلع في ريقهاو
حاطه ايدها ع رقبتها وتحاول انها تحكي ب ب بوي
نادر: ايه به بوك خيره
ريان: تحكي بكل صعوبه ه هوا مش بوي
نادر: بوي هوا مش بوي 🙄 به كملي خيره ..
ريان: تبكي هوا ح حاول انه
نادر: ف داخله ان شالله لي ف بالي مش صح … كمليي حاول شني
ريان: تبكي
نادر يهدي فيها احكيي بشويه عليك حاول شني
ريان: ي يغتص.
نادر: يغتصبك💔
ريان: هزت براسها بمعنى اي وتبكي
نادر: يمسحلها ف دموعها انتي متاكده من الكلام لي تقولي فيه كييف بووك يحاول يغتصبك
ريان: حاضنه نادر بقوه هوا مش بوي
نادر: تو فهمت هوا يكون زوج امك
ريان: هزت براسها
نادر: وربي الا ندمه الحقييير
ريان: تبكي وتشهق امي
نادر: خيرها
ريان: تحاول انها تحكي ن نبي نحكي معاها
نادر: وجعاته ريان وشي لي صار معاها ويفكر كيف بينتقم من عامر .. لا ارتاحي انتي اليوم وغدو نرفعك لعندها
ريان حطت رياها ع كتفه وتمسح ف دموعها
نادر:💔🔥
.
.
.
________زهره الشيخ_________♡♡
جود :تحكي ع التلفون … بفرحه لا اكيد انت تبصر
طاهر: لا بجديات كلمت بوك والخميس جاي مع امي وبنطلبك
جود: بطير من الفرح وعلاش ماخبرتني
طاهر: قلت نفاجأك
جود:🤭
سعاد: فمن تكلمي 🙄😏
جود: صكرت الخط مع صاحبتي
سعاد: اها صاحبتك به بنقولك جايينا ضيوف بعد بكرا
جود: اها منو هدو
سعاد: انا لي بنسألك منو هادو
جود: تضحك
سعاد: 😒
جود : مشت لغرفتها تجري ع اساس متحشمه
.
.
.
بعد مرور كم ساعه
إيناس ماتحركت من مكانها وبتمووت من خوفها على حازم
طلع الدكتور
إيناس : اول ماشافت الدكتور طلع مشتله وقلبها يدق بسرررعه
الدكتور: الحمدلله نجحت
إيناس: من الفرحه نزلو دموعها وحطت ايدها ع فمها وتضحك .. بجد نجت يعني حازم بيمشي على كرعيه
الدكتور: اكيد
إيناس: الارض مش سايعتها من الفرحه … به نبي نشوفه
الدكتور: بعد ساعتين تقدر تشوفيه
إيناس: اتصلت ب دعاء
دعاء: ايوا
إيناس : عمتيي
دعاء: نعمم شن صار طمنيني عليه
إيناس: بفرحه الحمدلله نجحت العمليه
دعاء: من الفرحه قعدت ع الارض وسجدت سجدت الشكر . الحمدلله الحمدلله والشكر لله
عيسى: الحمدلله
والعيله كلها سمعت باالخبر وجود عندها بدل الفرحه بدن فرحتين
بعد ساعتين خشت إيناس للغرفه عند حازك
حازم : كيف فاق وماعنده علم بشي
إيناس: ابتسمت وحضناته على طول
حازم :مش فاهم شي
خش الدكتور
الدكتور: كيفك توا
حازم:ةشوية الم بس الحمدلله
ادكتور حرك كراع حازم
حازم : حس بيها ومش مصدق د دكتور نحسس بيه حسيت بها الحركه ويضحك
الدكتور: ايه عارف
إيناس: مش قتلك بتنجح وبترجع تمشي على رجليك
حازم: نزلت منه دمعه من كقر الفرح من غير مايحس
اول ماطلع الدكتور خدا إيناس ف حضنه ..الحمدلله نحمد ربي ونشكره لانه بعتك ليا ولانه استجاب لدعواتنا
إيناس: ❤
ريان رقدت ف حضن نادر لصبح
________زهره الشيخ_________♡♡
الصبح
نادرر صباح الخير
ريان: صباح النور
نادر: ماشالله وين ع الصوت السمع ليا هلبا عليه
ريان : ابتسمت من غير نيه
نادر: يشرب ف قهوته هيا بدلي عشان نمشو لعند امك
ريان: بخوف به
لبست عبايتها وطلعو مع بعض وطول الطريق كان في سياره تبع فيهم
اول ما وصلو عامر كيف بيركب ف سيارته نزل نادر ووقفه
نادر : لحظه اشوي
عامر:🔥اول ماشاف نادر مع ريان خاف ا اهلين
نادر: نضراته مايبشرن با الخير خير ياعميي
ريان: خشت داخل لعند امها .
سعاد ومنار تفاجاؤ بجيت ريان ..
سعاد: خوفتينا عليك احكيلي شن صار معاك يومها
ريان: منار حبيبتي ..مدتلها كيس معبي شكاليط.. خودي كيسك وامشي ع غرفتك خليني نحكي مع امي شوي
منار: بفرحه ..حاضر
ريان:🔥
نادر: انا جاي اليوم خصوصي ليك انته ياعامر
عامر: بلع ريقه
نادر:🔥
ايناس شاده ف حازم وتساعد فيه عشان يمشي
حازم: 🔥
يتبع ………

لقراءة الجزء التالي : الجزء الثاني عشر من رواية بحر العشق والظلمات

لقراءة الجزء السابق : الجزء العاشر من رواية بحر العشق والظلمات

للإطلاع علي فهرس اجزاء الرواية : جميع روابط رواية بحر العشق والظلمات للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى