وفي الجزء الثاني من رواية رحلة الحب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لين نزار ولا تنسونا بجميل تعليقاتكم حول أحداث الجزء فكل تعليق منكم يسعدنا كثيراً ويسعد الكاتبة كذلك ، قراءة مشوقة بإذن الله .
الجزء الثاني من رواية رحلة الحب
الناس اتلمت، دي هديل اخت أمير، بعد شويه فارس وقف غنى وجا نازل،،
أمير طلع بره الصاله كان بتكلم بتلفون 
فتحوا قرآن ونادو ابو فارس من بره وكان بيقرا لي ف راسي وكل الناس بتقول مالها وبسم الله،،
فارس :البت دي منو ومالا؟
هديل لسه بتكورك وبتصرخ،،
معتز :أمير وين يخوانا؟
بعد شويه أمير جاي يتقدل براحه وسمع الكواريك وجا جاري،، ف شنو يخوانا؟؟
لينه : ماعارفين فجأه هديل بقت كده،، بعد شويه دخل ف النص بسرعه وبقا يحضن في هديل ويقول بسم الله عليك خلاص روقي ي هديل كل شي كويس ف شنو وانا اكورك اميييير فارس بعد شويه طلع بسرعه م اخد ليهو ١٠ دقايق جا نازل،، قاليهم زحو،، جهز الحقنه،،
أمير :دا شنو البتعمل فيو دا،، البت دي بالطريقه دي حتهبط، دي حقنه مهدئه،،
وهديل تكورك اميييييير لحدي م الحقنه هدئتا وسكتت
بعد شويه أمير بدا يعتذر واستأذن شالني ومرق ووراهو معتز صاحبو ولينه،، جا لاحقهم فارس،،
أمير :معليش ي فارس ياخ حفلتك اتخربت بسببي،،
فارس :انت عوير؟ اهم شي اختك هسي؟ فيها شنو لو قعدتو للصباح وامي تقعد جمبها وتحرسا،،
أمير :لالا مافي داعي للتعب، بنمشي وللصباح بتروق ان شاء الله،،
فارس :خلاص طمني عليكم تمام،،
أمير :تمام، واتلفت لي معتز ولينه خشو كملوا الحفله،،
معتز :انا حوصل لينه وحجيك ف البيت،،.
أمير :لالا م بحتاج الصباح بطمنك ان شاء الله، هسي خلينا نمشي،،
معتز :خير ان شاء الله
ودعوهم ومشوا،،
ف البيت،،
بعد ٤ ساعات قريب الفجر،، صحصحتا لقت أمير راقد ف الكرسي جمبي ومغطيني ويدي ف يدو 
(ياخي الاخوان الحنينين رززق
)
حس بي لما صحيت..
هديل :أمير
أمير :عيونو
هديل:ليه راقد كده ح تصحى تعبان
أمير : اي حقوم، انتي كيفك؟
هديل:مع اني م متذكره شي بس احسن الحمد لله، حاسه بنشاط كده غريب 
أمير :نشاط
انا عايز اموت من النعاس وانتي تقولي نشاط 
ايامك لكن
هديل:لكن ح انوم
جريت البطانيه وهو مشي على السرير التاني،،
أمير صحى بتلفونو بدق..
بصوت كلو نعاس :الو
فارس : نايم ي عواليق 
قوم افتح لي الباب قلقتني عليكم انا بره
أمير : خلي الهظار ي فارس
فارس:م بهظر معاك انا ومعتز بره
امير قام براحه من السرير وفتح باب الغرفه ونزل فتح الباب..
أمير :شكلي ح اجهز ليكم بطاطين تنومو زينا لاني نعسان والله
معتز :والشغل
أمير :م حوصيك عليه طبعا 
فارس:اها اختك كيف ان شاء الله م تعبت تاني؟
أمير :لالا الحمد لله..
بعد شويه جيت براحه بصوت مليان خوف بنادي أمير يا أمير 
جيت داخله توشك غرفه أمير وشايله دبدوب الباندا بتاعي كنت شافعه شديد وشعري منكوش وبدعك ف عيني بيدي التانيه
اتخلعت لما شفتهم بقيت منططه عيوني وهم برضو
بعداك أمير جرا علي،، صباح الورد عليك ديل معتز وفارس اصحابي الامبارح ف الحفله سلمت من بعيد فارس بقا مبحلق فيني 
بعداك أمير ساقني واستأذن..
فارس :ليو حق يقول هديل دي بتي م اختي لأنها شافعه شديد
معتز : بالجد لكن زعلان عليها والله حالتا تحنن،، البت دي عندها اكتئاب ولانفسيات ماعارف بسببا خلت القرايه
فارس: دا كلام شنو امها وابوها وين؟
معتز : ديل طبيعي مافيشين متفرغ ليها أمير دا بس
فارس : شكله عندها فراغ كبير ف حياتا يحليلو أمير
معتز :ربنا يحفظهم لي بعض
فارس :امين،،
أمير جاهم راجع،، اها ي شباب م قصرتو والله،، بس خلاص كل زول على شغله،، خصوصا انت ي فارس م تميت شهر ف شغلك الجديد دا
فارس : أمير
أمير :اي
فارس :انا دكتور وانت عارف مش
أمير :والله دكترتك دي م عارفا كيف بس اي اها
فارس :انا عايز اعالج اختك 
معتز :فكره ظابطه لانو اصلا كده كده هو عمل ماجستير ف علم نفس قبل كده صحي مالي م اتذكرت الكلام دا،، خلاص موافقين 
أمير :موافقين منو؟ لالالا هديل م ح نوديها لي دكتور نفسي،، حتتعالج براها
فارس :اختك لو م لحقتها حتموت بي الإكتئاب
أمير :صرخ م تقول اكتئاب 
معتز : وطي صوتك
فارس :وقف على حيله انا مصر على موقفي وبكره حبدا معاها مع السلامه.. ومرق خلاهو واقف
بعد شويه معتز قاليه انا وراي شغل كتير سلام وحصلو
كنت بعاين ليهم من ورا الباب وسمعت كلامهم جيت جاره رجليني،،
هديل:أمير خلي يجي
أمير :منو؟
هديل:محتاجه دكتور نفسي
أمير ضماني عليه أن شاء الله كل الايام دي حتهون
ضحكت ليه ايوه اانا بلعت حبوب كتيره وحاسه…. (فجأه) براحه وقعت منو
بسرعه طلب عربيه إسعاف
في المستشفى
فارس :الحمدلله انك اتصلت لي،، هسي هي كويسه عملنا ليها غسيل حاليا هي نايمه اول م تصحى خش اطمن
أمير :حاولت تنتحر
فارس :قدر الله، الحمد لله هسي هي بخير وزي م قلت ليك خليني ابدأ معاها
أمير :من هسي لو عايز تبدأ م عندي مشكله
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء الثالث من رواية رحلة الحب
لقراءة الجزء السابق : الجزء الأول من رواية رحلة الحب
للإطلاع علي فهرس أجزاء الرواية : جميع روابط اجزاء رواية رحلة الحب للكاتبة لين نزار
جميع الحقوق محفوظة للكاتبة لين نزار
